戲假情真？迪麗熱巴同楊洋遊樂園睇煙花　上演摸頭殺

內地一線女星迪麗熱巴演技曾受到批評，不過最近同男神楊洋合演嘅新劇《你是我的榮耀》就成功洗底，呢對CP仲大受網民歡迎，唔少人都想佢哋喺現實中都係一對，而尋日（14日）七夕佢哋就被發現去到主題樂園「拍拖」，唔通真係戲假情真？

原來佢哋係為咗宣傳套劇，不過畫面就似足王子同公主，一齊睇煙花、玩泡泡、撐枱腳，楊洋又暖男上身擔遮護花，更上演「摸頭殺」，甜到糖尿喇！網民都直言：「洋迪夫婦好配！」、「這兩人一起的感覺太自然了！」、「如果這都不生情，那殺了我助興吧！」

而今日凌晨時份迪麗熱巴再上載在樂園玩旋轉木馬的照片，無論氣質定樣貌都似足公主的迪麗熱巴，騎上旋轉木馬，十足十「在逃的公主」一樣，就好似走進童話故事裏一樣，網友紛紛留言：「怎麼這麼美！」、「寶寶開心就好」。