由九龍城跳入電視城！鍾柔美8歲泰國舞片出土勁清澀

獲得《聲夢傳奇》季軍嘅鍾柔美（Yumi），憑住甜美面孔及精湛舞技俘虜萬千網民，雖然依家只係14歲，但6歲起已經參加不同歌唱比賽，又拍過不少劇集，演出經驗非常豐富！最近TVB就喺網上分享Yumi 8歲時喺節目中表演泰國舞嘅片段！

當年只有8歲嘅佢，生得十分高大非常清純，而且對鏡頭好敏感，時刻保持笑容！佢接受主持訪問時，就透露跳咗泰國舞2個月，平時跳開拉丁舞及Hip Hop，所以想試吓新嘢，仲試過參加九龍城泰國潑水節，喺眾人面前表演，仲好有自信話覺得自己跳得唔錯，不過就話下次要再努力！