生日前夕訴心聲！李若彤消失幕前10年學會一樣嘢

有「最美小龍女」之稱嘅藝人李若彤，明日（16日）55歲生日，呢日佢就拍片大講生日感受，片中佢提到出道30年、被大家叫咗26年「姑姑」，但依然不覺厭倦，反而感到榮幸。佢又重提曾喺演藝圈消失10年，自知名氣大不如前，但感謝嗰段經歷令佢加速成長：「我曾經消失在螢幕前面10年，觀眾們感嘆，有不理解的，我回來後更多的惋惜、美人遲暮，其實我想說，正是這跌跌撞撞的10年，讓我學會了好好愛自己，也因為愛自己，讓我有了重新回來的勇氣，就有了今天你們看到現在輕鬆自在，自信的李若彤。」

雖然又大一歲，但佢仍保養得宜，加上片中見佢身後播放住當年演「小龍女」時嘅片段，美貌依舊變化不大，不愧為凍齡美魔女，佢又指：「我還是非常喜歡聽到你們叫我，姑姑。」