潘梓鋒涉打架被捕 陳國峰:佢認衰太衝動!

20210815
東網電視
更多新聞短片
藝人陳國峰(Penny)今日(15日)以健美比賽大使身份,現身會展出席活動,他透露除了跟孫慧雪拍電影之外,還為無綫新劇《隱形戰隊》趕工,講到原定有份參演的潘梓鋒(Bryan)近日涉嫌爭女打架被捕,更全面停工,Penny指跟對方沒有同場,但私下是波友,所以都有慰問對方:「以我認識嘅Bryan唔似咁粗魯,好睇得開,斯文又玩得,可能對方講咗啲傷害性嘅說話、做咗啲傷害性嘅動作,先令到佢咁衝動,我有叫佢抖吓,唔好諗咁多,等時間沖淡一切,佢都認衰太衝動。」又指沒有再問關於停工、感情轇轕等事,不希望對方受影響。
講回跟孫慧雪的合作電影,Penny表示近日瞓身其中,笑言兩個兒子比太太更詐型:「太太好支持我,但兩個仔成日扭計,特別我出門口嗰陣,大仔就會嚟攬住我隻腳,細仔就跟住嗌,但當我一返到屋企就興奮到樓下都聽到!」續說因為拍戲食無定時、又瞓無定時,現時是人生10年以來最瘦,打趣問會否敢在健碩參賽者除衫騷肌?他抵死笑說不敢,因為怕嚇走人。