話喊就喊！孫儷戲功太勁　慘遭導演嫌棄

內地女星孫儷與男星趙又廷主演的新劇《理想之城》現正熱播，劇中孫儷目擊遭未婚夫背叛，繼而爭執崩潰爆喊一幕，感動到唔少觀眾。呢日劇組公開花絮片段，見孫儷喊到流鼻涕非常肉緊，但就因為超強喊功，竟然被導演質疑唔使做功課，只靠天才波就能秒哭，當導演問到佢點解可話喊就喊，佢即委屈表示：「我準備了很久，你在乎的是結果！」指對方漠視其努力。

佢又指自己因感情太豐富，以往拍喊戲時卻導演嫌棄「做多咗」，佢表示：「我有一次《小姨多鶴》的時候，我哭得比女兒更慘，導演就說到底是她安慰你還是你安慰她，哭的慘得不行了，當時就重新來，實在過不了。」並笑指自己拍喊戲嘅準備工夫，就係先喊一次：「先把孫儷的眼淚哭掉，再流角色的眼淚。」