周勵淇準備復工　每朝5時半起身操Fit！

久未公開露面的女星周勵淇（Niki），今晚（16日）在尖沙咀出席英皇電影《怒火》首映禮，透露現時兒子已1歲多的她，說最近已準備復工：「香港同大陸都有工作，10月就會喺香港拍電影，大陸就拍電視劇。（小朋友邊個湊？）媽咪湊，家姐兩個小朋友大咗，媽咪依家就湊我呢個，其實今日出嚟首映，都有啲唔捨得BB，出門口嘅時候BB都會喊，但係都冇辦法。（會唔會帶BB返內地工作？）之前帶過佢返大陸，但下次未必會帶，因為之前佢仲細就好搞啲。」

Niki稱雖然未正式開工，但平時生活也很忙，每早5時半起床：「除咗照顧BB，我都要快啲Pick Up番，因為好耐冇拍戲，喺體能方面都要操Fit啲。」問到會否再生BB？她坦言暫時未考慮，隔一段時間再打算。