吳秀波情婦戰鬥格「出山」　浴火重生再變索

大陸著名演員吳秀波2018年被自認係「第三者」嘅內地女星陳昱霖爆背妻偷食，最後女方被判有期徒刑3年，緩刑3年，而吳秀波則傳出今後將不再從事演員職業，事業一蹶不振，相反女方似乎已經走出陰霾，近日佢更多次更新社交網，晒出大量濃妝自拍重新出發建立網絡形象！陳昱霖上星期晒出自拍，為自己生日慶祝，見佢精神煥發，仲走入廁所Selfie，心情絲毫不受當年入獄一事影響。

過多兩日，佢又再晒自拍，今次佢更加換上低胸吊帶，喺鏡頭前騷首弄姿，狀態大勇，兩個Post加埋10幾張自拍吸Like，即被網友留言激讚佢浴火重生，依家比以前更索，唔知佢會唔會復出幕前，網上形象正面，同年初個頹Look相距甚遠。