三點式拋胸晒33C咪咪！余思霆同梁凱晴玩互射

華姐冠軍余思霆（Stitch）早前返到家鄉台灣為無綫拍攝旅遊節目，佢同另一位主持人梁凱晴拍嘅J2節目《涼浸浸去旅行》終於播出，兩人入住多間民宿嘗盡Staycation滋味！而第1集，佢哋已經拋胸着上三點式，Stitch大晒33C驕人上圍，露出事業線及纖腰，而梁凱晴就以火紅泳衣上陣，零遮掩勁大方！除咗喺天台泳池歎漂流早餐，又拎起水槍喺半露天戲水池互射玩問答遊戲，再到無邊際泳池睇靚景打卡，睇到觀眾非常羨慕！

雖然大家暫時只可以留喺香港Staycation，不過好在佢哋都好識做，性感上陣令觀眾大飽眼福！而梁凱晴都喺社交網上載火辣泳照，留言大讚Stitch身材好：「平時真的真的很少在節目上穿比基尼的凱晴，這次終於要比基尼大放送啦！這次還有另外一位主持人一起，比凱晴專業漂亮身材好喔?」

余思霆受訪時話喺台灣拍特輯，去咗宜蘭好多靚嘅地方，由於疫情冇得做運動，自爆有增磅，但佢唔介意：「依家幾得意，唔一定好瘦好瘦先叫Fit，不過我依家瘦番少少就啱啱好，依家偏向得意，劇組都叫我做小胖，即肥仔，哈哈。」問到幾時返香港？思霆表示：「應該9月尾、10月頭，手上仲有一個節目，拍埋就可以返嚟。」