藝人莫家淦百足咁多爪，兼任主持、拍劇、歌手，仲係眼鏡及手錶店老闆，近日佢再踩過界做DJ，孖住好友范振鋒主持新城電台節目，有多年司儀經驗嘅佢都坦言有挑戰：「雖然同以前做娛樂新聞台都相近，但個時間爭好遠，依家要做個幾兩個鐘Live，不停咁講嘢，但都幾啱我呢啲口水多嘅人。同埋今次最大分別，就係完全唔係講娛樂嘢，每日會有唔同嘅主題，有時講吓風水，有時幫啲單身男女配對，有時就訪問吓各行各業，講吓時事，自己眼界都擴闊咗。」佢續指早前因工作關係，錯過咗訪問話題人物、「亞視一姐」薛影儀嘅機會，大感可惜。