黃庭鋒做港姐司儀 興奮多過緊張!

20210819
東網電視
更多新聞短片
無綫力捧的4位小生黃庭鋒、周嘉洛、丁子朗及吳偉豪本月22日會跟藝人錢嘉樂齊齊為《2021香港小姐競選》準決賽擔任司儀。今次是4位小生首次齊齊擔任大Show司儀,當中,周嘉洛與吳偉豪較少擔任司儀,不過有錢嘉樂這位「大師兄」帶領着他們,加上4位小生的急才,相信絕對沒難度!
而黃庭鋒現時正為首度擔正男一的新劇《OPM》拍攝當中,他坦言18日便開始為港姐進行綵排,問到會否很緊張?他坦言:「我係興奮多過緊張嘅!港姐年年都有睇,舊年我都有同啲佳麗拍節目,不過同嘉洛佢哋3個做主持就真係第1次,我哋4個一聚埋就會好嘈,好開心,有次我哋一齊做專訪,個記者問我哋點解會咁Friend,其實我哋好少真係聚埋一齊,依家各有各忙,真係好少聯絡。」
庭鋒表示事前都會看港姐的資料,說到不少藝人如陳展鵬、袁偉豪、李克勤都是於港姐Show中認識另一半,最終娶得靚老婆,庭鋒笑謂:「呢啲真係好睇緣分,依家自己冇女朋友,入咗行都冇拍拖,唔係專登唔拍,只不過未遇到,所以好講緣分。」