葉蒨文平時唔肯郁　為拍劇走去學網球自認貪玩

無綫處境劇《愛．回家之開心速遞》「島大女神」葉蒨文（Sophie）向來較少做運動，但近期突然積極起來，既玩攀石又學習打網球，除了受奧運影響好動起來，原來也是為工作做好準備，她說：「嚟緊有套劇講我係叻打網球，所以希望啲動作標準啲，上咗一堂之後自己對網球產生咗興趣，所以就繼續學落去。自己本身好貪玩、好好奇，所以乜都鍾意試，感覺好充實，演員亦都要學多啲嘢做定準備，到先可以得心應手。」葉蒨文又指入行後不時因工作捱夜，發覺也要好好去做運動，鍛鍊好身體與體能，對健康與工作也有益處。