未P圖定妝照流出　趙麗穎被批生完仔變化大

內地一線女星趙麗穎2019年為男星馮紹峰誕下一子，惜二人婚姻未能長久，今年4月宣布離婚，趙麗穎亦喺產子後正式復出，接演多部新劇，演藝事業冇停過，依家單身嘅佢又成日透過社交網同工作室晒靚相，力證自己仍然有價有市！

不過近日就有佢嘅未P圖定妝照流出，相中見佢滿臉憔悴同疲憊感，魚尾紋深、黑眼圈突出，加上着上旗袍嘅佢明顯冇晒腰身，唔再係「招牌童顏」，連成日標榜嘅少女味都冇埋，即被指佢產後代價大，同平時工作室晒出嚟嘅靚相相距太遠，女神幻滅！