冼靖峰做Gym增肌減脂　拍劇緊張過唱歌

無綫《聲夢傳奇》學員冼靖峰（Archie）到黃埔接受電台訪問，剛完成《聲夢》演唱會的他坦言感到有點失落，他說：「比起之前比賽完，做完演唱會個感覺更加失落，因為演唱會見到好多fans，觀眾嘅現場反應，好唔捨得。」

不過，Archie的失落感相信不會維持太久，隨後將要拍攝青春劇，雖然暫時未知道所演角色，但也要開始着手減肥keep fit，他說：「其實都一直有做gym，但係嚟緊會正正經經搵教練去操fit，目標係做到增肌減脂，希望可以練到啲腹肌、胸肌。」講到將開拍新劇心情可緊張？他笑說：「中學有做過話劇，但係同電視劇好唔同，都會睇多啲劇準備，心情一定緊張過唱歌，不過，唱歌表演就得一次機會，拍劇就有得NG補救。」