講．嚇︱蔡思貝老友闖入異度空間　驚爆鄰居自殺！

「異度空間」喺電影就睇得多，原來現實中都真係會發生，仲要同一宗命案扯上關係！呢個故事發生喺視后蔡思貝一位認識嘅人身上，佢話嗰個人有次去外地公幹開會，地點係間酒店地庫，不過係冇?直達，要喺地下大堂度行一條樓梯落去，如是者佢準時喺開會地方出現，蔡思貝話：「點知佢等咗半個鐘都唔見有人，所以就返上房，之後有人嚟敲門，問佢點解冇去開會，嗰刻佢開始面青，打晒冷震，覺得自己去咗一個異度空間，同開會班人身處唔同空間。」

由於愈諗愈唔對勁，再加上周身唔舒服，所以決定提早返港，但怪事卻未有停下來，思貝話：「佢嗰排成日唔舒服，有一日開窗時，感覺有陣風穿過身體，冇耐就知道屋企樓上有人自殺死咗，係一間凶宅嚟嘅！」