MIRROR挑戰謝影雪入場券免費派　不法之徒叫價400蚊圖利

人氣組合MIRROR和ERROR愈來愈紅，佢哋聽日（22日）將會齊齊出席活動《力圖打排球》，屆時喺ViuTV劇集《男排女將》飾演「家瑜」嘅鄧麗欣帶領MIRROR隊，大戰飾演「黃金 SIR」嘅陳宇琛帶領ERROR隊，聽日MIRROR更會挑戰港隊羽毛球混雙組合鄧俊文和謝影雪打波，一早已令好多鏡絲引頸以待。

今次活動的入場券係ViuTV同贊助商，各以唔同方法畀粉絲免費換取，但尋日（20日）有人喺網上貼出對話截圖，指出有不法之徒炒賣入場券，兩張開價800元，不過該位粉絲都冇買到，更力斥對乃不法行為，叫大家唔好中伏。