《東張》潘梓鋒被指係「溝女王」　朱智賢李旻芳都追過？

無綫《東張西望》主持潘梓鋒早前被指涉打人被捕，有指《愛．回家之開心速遞》「賈明昇」鄒兆霆及《3日2夜》的吳紫韻都牽涉其中，由於事件不斷發酵，傳聞亦愈揭愈多，昨日（21號）有爆料指已婚的潘梓鋒有鋪「溝女癮」，《東張》女主持如朱智賢、李旻芳等都曾追求過，還指他最喜歡用「車人返屋企」一招追女！

《東網》記者就此事聯絡朱智賢及李旻芳，兩人均否認潘梓鋒曾追求，朱智賢還說：「其實佢未入TVB嘅時候我哋已經認識，我哋都識咗好多年，佢從來都無追過我，我哋一直都係好朋友關係，亦感覺佢係一個正人君子。佢嘅私人事我就唔方便回應了，但係你提到嘅傳聞我就從來都冇聽過。」李旻芳則說：「工作上，我同佢都合作得幾好，感情生活我就唔清楚，亦都唔清楚佢嘅私生活。」

除了潘梓鋒被指是「溝女王」，鄒兆霆都被指愛溝女，但他沒有追《愛．回家》的女藝人，反而喜歡追節目主播。