Cool爆女生日終於識笑！文頌嫻：千金難買你一笑

已淡出幕前多年嘅文頌嫻，與老公Jason育有一女Jamie，唔經唔覺Jamie已經9歲喇！專心相夫教女嘅文頌嫻為愛女搞咗生日Party，同一班好朋友慶祝嘅Jamie非常開心，Cool底經常黑面嘅佢難得露出笑容，連文頌嫻都留言「有姿態又很chill，千金難買你一笑」，足見平時幾難氹到佢笑呀！

而文頌嫻一班好姊妹佘詩曼、梁靖琪、周家蔚雖然唔喺現場，但都向「契女」送上祝福，非常有心！網民就留言覺得Jamie似爸爸多啲，唔知會唔會大個似媽咪呢？