林心如碩士畢業卸任學生會會長　許瑋甯接棒！

台灣女星林心如向來好學不倦，佢今年順利於世新大學傳管上海碩專班畢業，佢亦會卸任學生會會長，日前佢出席新學年嘅開班典禮，同下一屆學生會長許瑋甯進行交接儀式，林心如表示過去2年喺學校過得非常充實：「傳播管理與我本身工作息息相關，讓我從學習過程中得到很多知識，處理工作上也更有信心。」許瑋甯就強調會做好學生會會長嘅角色：「之前在上海上課了一段時間，課程對於加強我的專業領域非常有幫助，希望疫情早日結束，大家都能順利畢業。」而台灣藝人傅娟、周湯豪同何嘉文等，都有報讀新學年嘅課程。

其實睇番資料，世新大學上海碩專班開班已逾10年，過往都有唔少圈中人報讀，近期畢業嘅除咗林心如，仲有徐若瑄，而校友方面亦有台灣資深演員寇世勳、劉德凱，台灣歌手伍思凱、主持人曹啟泰、香港代表就有劉錫明等。