《慶餘年》男神離奇暴瘦 張若昀爆青筋上熱搜

20210824
東網電視
更多新聞短片
內地劇《慶餘年》曾掀起中港兩地熱潮,更成功捧紅藝人張若昀、李沁、郭麒麟、宋軼等,令劇中主角配角都齊齊升呢,當中張若昀爆紅後就隨即宣布太太唐藝昕有喜,估唔到都不阻人氣,仲收獲「超級奶爸」稱號。《慶餘年》第二季上年開鏡後,專心工作嘅張若昀收埋自己唔見人,尋日(23日)佢終於現身上海機場,點知佢依家瘦到嚇親人,完全走樣!
今日(24日)就33歲嘅張若昀,一現身就被粉絲包圍,全黑打扮本身應該好有型,但係佢就被發現瘦到手臂青筋凸起,連粉絲鏡頭下加晒Filter都遮唔到。早前佢曾自爆瘦成20多斤(約逾22磅),腰圍更只有65cm(約25吋),條緊身褲更加打晒褶,皮包骨睇到粉絲嗌心痛,更令「#張若昀瘦到青筋凸起#」話題上熱搜,有成3.1億閱讀量。唔少人就估佢係咪為配合角色需要而減磅,不過同時亦有網友勸佢要多休息,食多啲補充營養,驚佢會捱唔住影響健康。