關嘉敏「倒奶」賀生日　中門大開嘟嘴賣萌

邵氏藝人、跳唱歌手關嘉敏（Carman）早前大晒出海水着照，屹籮騷前翹後凸魔鬼身形，引死一班男粉絲。今日（24日）係佢27歲生日，佢就喺社交網再晒出新一批泳衣相大派生日福利，見佢着上綠色一件頭泳衣、坐住獨角獸水泡，High高舉V字手勢，期間佢又向前傾玩「倒奶」，兼中門大開晒事業線，加上嘟嘴賣萌，相當養眼。佢留言表示：「今年生日願望，希望所有人都要健康幸福，唔好有咁病毒，唔好有咁多意外發生。而自己都要繼續加油，要笑多啲啦，人愈大愈多煩惱愈少笑容，記住自己是一個愛笑嘅女孩。」