一見鍾情!傅明憲私有化身世坎坷疤面狗

2021年08月24日 23:03
東網電視
更多新聞短片
在一般人心目中,領養狗狗多會選擇狗BB及樣貌得意,可是名媛傅明憲(Gigi)領養的北京狗「文文」兩樣都冇。身世坎坷的文文,遭主人遺棄流浪街頭,被發現時已5歲,因皮膚發炎致全身皮肉潰爛,臉部開刀割肉留下了長長疤痕,故頗為「醜樣」。Gigi原本做文文暫養父母,後來決定領養,現在文文已經11歲,她說:「我暫養過無數隻北京狗和貴婦狗,每次放社交網分享,朋友都好踴躍領養。不過好現實,我放文文相喺社交網,反應好差,第二次再Post,更加反應全無。」
考獲狗醫生牌
Gigi本已飼養了兩頭北京狗Fifi和獅子頭,暫養文文期間,3頭狗相處融洽,故Gigi最後決定領養牠:「有日我返去協會開會,當日第一次見佢,感覺係『love in first sight』,佢就好似依家咁伏喺我大髀,陪住我開會。」同事都說這個樣子有誰會要,偏偏Gigi視牠如珠如寶。有年文文患上牛蜱熱,血小板跌到好低,當時她身在加拿大,不顧一切漏夜買機票趕返港,落機拿着手提行李就趕往寵物醫院:「好擔心佢走,我同佢講啱啱喺加拿大買咗張狗仔床畀佢,拎埋畀佢睇,叫佢要好番返屋企瞓,同佢打氣。」她說文文性格樂天,傻氣十足,並考獲狗醫生牌,經常到老人院探訪,試過有長者抱着牠不肯放手。
定期睇心臟科
可是文文去年患上肺壓高,要定期3個月看心臟科,她說: 「有呢個病後,醫生千叮萬囑唔可以游水,唔攰得、唔熱得、唔劇烈得,黃昏出街都要帶定冰墊和風扇,去公園跑,我要陪佢跑,喘氣就要抱起佢,怕佢暈。」她說因為不能出海,故準備帶狗狗轉玩室內,她說:「我知有個『狗狗夏日玩樂展』有個滑浪布置,諗住影相打吓卡,畀到主人和寵物家庭樂,係好好嘅Family day。」