唔介意馬國明床戰唐詩詠！湯洛雯未驚過：真係好冇嘢

藝人湯洛雯（靚湯）現正為新劇《OPM》拍攝當中，而其男友馬國明日前出席新劇《隱形戰隊》宣傳活動時，大爆劇中會跟唐詩詠有場激烈床戰戲份。對此，靚湯接受東網訪問時定過抬油，又笑謂：「佢嗰陣拍《衝上雲霄》時同美儀姐（江美儀）嗰場都好勁！（唔介意？）梗係唔會介意啦！大家都做呢行介咩意！（少少都唔會？）我唔知呀！男仔係咪會介意啲呢？因為我由細到大Daddy（湯鎮宗）都係咁，我媽咪又冇嘢喎！特別自己入咗行之後，就知道就算拍錫戲感受係點，真係好冇嘢，冇浪漫感覺，純粹好似拍緊動作戲咁，男仔仲辛苦，又怕摸到對方重要部位，對方會介意，會多啲嘢諗！」

說到馬國明與唐詩詠「兩兄妹」咁熟應該拍起上來更容易、有點契，靚湯謂：「佢（馬國明）都好有經驗㗎喇！成日都話：『電視劇有幾激情呀！』」