75歲狄龍最新圖片好精靈　譚俊彥：感恩影到呢張相

藝人譚俊彥育有一子一女，而今日正是4歲兒子生日，一家人齊齊為他慶祝，而譚俊彥更於社交平台上載了兒子跟爸爸狄龍的合照，相中的狄龍抱到孫仔實一實，相當有愛。由於父親大人上星期（19日）生日，而之前亦多次訛傳狄龍離世消息，故譚俊彥亦發文：「兩位大俠生日快樂！一位75歲一位4歲，我好感恩可以影到呢張相，我自己愈嚟愈少上社交媒體，因為喺網上嘅世界好多時候都分唔清咩係真係假，傳播一啲假嘅訊息出去係一個好不負責任行為！」他亦指父親現時身體好好，感謝各位擔心他們的家人及朋友：「唔好意思要你哋擔心啦！我亦都希望每年可以做一個快樂嘅攝影師幫佢哋影相。」

譚俊彥接受東網訪問，他謂：「阿爸上星期生日，當時我哋都有喺屋企切蛋糕，而今日我個仔生日，諗住一家人出去食飯，爺爺都畀咗封利是畀囝囝，希望大家都健健康康。」他亦不諱言有不少朋友都致電給他問候爸爸，令到大家擔心都不好意思。