仙樂都生女3個月仲未收身：有人讓坐畀我…

去年下嫁經營農莊生意的圈外男友的藝人仙樂都，隨即宣布雙喜臨門，剛於5月誕下B女，休息3個月，近日「復出」做直播帶貨，為慈善機構籌款；同場還有莊思敏、筱靖和王俊棠。仙樂都因懷孕期間勁吸收，暴肥了75磅，雖然已減掉42磅，但腹部仍然漲卜卜，到場時嚇窒筱靖，以為她懷第二胎，仙樂都笑說：「坐地鐵真係有人讓坐畀我，筱靖以為我懷孕中。」

為了搣甩孕味出盡法寶：「已經好勤力去紮肚，前經理人幫我去美容院報名參加一個『回到未生時』計劃，話3個月就可以變番以前咁。」她透露B女剛戒了夜奶，總算捱過最無得瞓時刻。問到會否想再追？她說：「唔敢啦！佗BB最重嘅事候180磅，對腳大咗1個碼，要買過晒啲鞋。又經歴過妊娠糖尿和妊娠血毒，同埋剛剛生完嘅時候，情緒好抑鬱，依家睇番轉頭，我覺得嗰個時候嘅自己好恐怖。」