炎明熹超靚畫作曝光　姑丈踢爆趕功課嗌救命

無綫歌唱比賽《聲夢傳奇》打造出多位年輕小天后，除咗亞軍姚焯菲（Chantel）獲國際學校晒出開學相，奪得冠軍嘅人氣王炎明熹亦趕緊為升讀中五作準備。日前其姑丈於社交網上載佢嘅近況，趁住剩下幾日嘅暑假追趕功課，片中曝光炎明熹宅女look，戴上眼鏡、束起頭髮，手托住頭埋頭苦幹地畫畫，更被姑丈踢爆：「佢趕緊功課，係咁叫救命！」炎明熹亦晒出將要交功課嘅畫紙變皺，視如己出嘅姑丈用熨斗熨直，非常貼心。真係有姑丈的姪女是個寶～

炎明熹就讀於聖安當女書院，12歲開始接受音樂學院重點培訓，除咗熱愛唱歌，學校選修繪畫及設計科目，平日係典型宅女，愛留家中畫畫。