同羅冠蘭學戲！陳培甡演李後主被邵美琪數住喊咗幾次

「新昇粵劇團」主角陳培甡與鄧有銀合演的《李後主》，近日在新光戲院大劇場上演，圈中好友黎瑞恩及邵美琪也有捧場。陳培甡對於《李後主》受歡迎感到非常興奮，他坦言為了演好此劇，除了認真琢磨劇中唱腔及對白，他更特別隨羅冠蘭老師學習演劇技巧：「跟羅老師上堂，真係獲益良多。首演時羅老師睇過我演出，佢覺得我可以將李後主角色演得憤怒啲。今次重演，我照佢所教，加入憤怒情緒，觀眾反應非常好。小恩子（黎瑞恩）同邵美琪話睇得好開心。原來佢哋曾經擔心睇唔明呢套粵劇，但原來又睇得明。邵美琪睇戲睇得好深入，我喊咗幾多次佢都數得到。」

另外，陳培甡透露決定10月重演林家聲親自為他執導及教戲的另一套粵劇《煙雨重溫驛館情》﹕「呢套係聲哥（林家聲）親自教我演嘅戲，最近喺陳好逑（逑姐）嘅喪禮上，聲哥妹妹林倩妮提醒我，呢套係聲哥同逑姐開山戲寶，依家佢哋都過身，倩妮姐希望我重演呢套劇，所以我決定10月重演作為感謝同紀念兩位前輩對我嘅指導同扶持。」