李元玲都要輸︱Amanda S.中門大開　陳欣茵烏身好「心機」

快將踏入9月，大家都捉緊夏天嘅尾巴同陽光玩遊戲，名模Amanda S.亦唔執輸出海滑水，今日（30號）喺社交網分享多張滑水嘅英姿。着上超Deep V一件頭泳衣嘅佢，中門大開騷盡東西半球，非常火辣，見佢馬步紮得好穩，絕對有姿勢有實際。

馬來西亞鋼琴女神李元玲亦上載企喺瀑布前嘅索相，一直被水淋住大玩濕身誘惑，超Fit蛇腰好吸睛。

而無綫節目《#後生仔傾吓偈》嘅34D咪神陳欣茵，亦晒出沙灘嘅「心機」水着相，烏身夾出3吋事業線，更搔首弄姿撥秀髮，一股女神仙氣湧住嚟！