傅穎有靚仔埋身！原來係緋聞男友胡清藍

女星傅穎早前孖內地男網紅拍MV，上演甜蜜情侶戲碼，卻令唔少粉絲直呼呷醋，近日佢再有靚仔「埋身」，更大爆與對方相隔13年「再續前緣」，原來該靚仔就是其前緋聞男友胡清藍！傅穎喺社交網大晒聚會合照，以及當年舊照，見女方變化不大，反而男方「仔大18變」，現時成熟不少並充滿男人味，佢留言：「想不到13年後再聚，感覺就像回到當年，好開心呀！」

胡清藍同傅穎曾屬同一間唱片公司，而胡清藍最為人認識嘅，就係曾拍過唔少導演葉念琛嘅電影，當中分別曾與鍾嘉欣、楊愛瑾等人飾演一對，不過出道數年後佢就淡出幕前，自此甚少公開露面。