李思捷乜嘢最乞人憎？朱凱婷：佢衰鹹濕

藝人李思捷主持及監製的無綫全新遊戲節目《思家大戰》昨晚（29日）正式推出。首集嘉賓林盛斌（Bob）及朱凱婷帶同家人及朋友亮相，是晚焦點問題算是「講出一個李思捷最乞人憎地方」，朱凱婷直斥思捷「衰鹹濕」、Bob則一口氣「指控」思捷寸，成功博得全場熱烈歡呼。

當提到「講出一樣Size愈細愈冇用嘅嘢」時，Bob即大拋金句：「一個人最緊要有勇氣，所以個膽愈細愈冇用」。原被看好會勝出節目的他，原本一直遙遙領先，最終因答錯「西隧」為「香港最經常使用嘅過海隧道」而衰收尾，引發網民洗版式嗌唔抵。而經過一輪出人意表的民調答案競猜後，最終朱凱婷與老公殺入最終環節，並成功贏走5萬元獎金獎品，朱凱婷更開心到飛撲吻賀老公！