港姐混合體　索女小恐龍激似朱晨麗何依婷

來自台灣嘅美女網紅張語婕（小恐龍），雖然現居香港，但依然心繫台灣粉絲，不時喺社交網大晒網拍寫真以及性感內衣照大派福利，憑住甜美外表兼Big爆好身材成功Keep住人氣，吸引逾10萬粉絲支持。

而佢不但外表神似港姐冠軍朱晨麗，某啲角度亦與港姐亞軍何依婷有幾分相似，集2位港姐美貌於一身，即被網民笑指係「港姐混合體」，仲力推暫時在港生活嘅佢可趁機參選港姐。