現身威尼斯影展　劉晨芝未出發先變Angel下凡

已飛扺意大利米蘭的藝人劉晨芝，將出席威尼斯影展，起行前一晚好友們白雲、翟威廉、阮兒、王子涵、黃建東、張彥博等為她搞了個生日派對，為她提前慶生，她笑說：「嗰晚超級趕同好倉卒，所以執漏咗好多嘢，帶漏晒。」她出席完影展，會多留兩、三日過埋生日先返港。

當晚她穿上白色類似內衣夠晒火辣性感，她笑說：「嗰晚我哋dress code本來係想玩Victoria's Secret，但冇咗嘛咪變Angel Secret，我件衫係登特搵設計師度身訂造，呢個造型我想整好耐，今年終於整到。」談到她的生日願望，希望工作順利，愈來愈多戲拍，疫情早日結束，因為她返港還要隔離，她笑說：「最重要梗係快啲搵到個好男仔。（有冇追求者趁生日示愛？）送花畀我囉，都唔知代表乜嘢，又唔係約我食飯，又唔追我，都唔知佢想點。」除了鮮花，她還收到好多香水、化妝品等生日禮物。