陪張智霖做空中飛人！袁詠儀晒45萬包包一落機即去買手袋

女星袁詠儀（靚靚）出名係「名牌手袋」收割機，曾被爆掃百萬「包包」，最近佢就被目擊同老公張智霖（Chilam）黑白配情侶裝現身北京機場，當時靚靚拎住個價值原價18萬、如今炒到45萬嘅手袋！而早前靚靚幾次都係拎住呢款手袋出巡，睇嚟係佢近期寵愛！

而佢哋此行係飛去成都，不過落機後佢哋冇留喺酒店休息，晚上被網民發現喺成都太古里名店買包包，有人喺社交網上載合照，大讚：「袁詠儀性格真的超nice，張智霖也真的很帥。」而網民就留言：「真的很寵妻！」、「靚靚真是愛shopping啊。」、「一下飛機就去買包包！」、「Chilam生日要買包送老婆？」