盧廣仲金曲歌出事　網友質疑連《刻在》劇本都係抄

台灣藝人吳宗憲日前大鬧金曲獎「年度最佳歌曲」盧廣仲嘅《刻在我心底的名字》，涉抄襲英國老牌歌手Richard Sanderson經典歌曲《Reality》，隨即爆出《刻我》同時疑似抄襲中國鋼琴曲《自由が丘》及日文詩歌《主祢是我們的太陽》，尤其與《自由が丘》前30秒高度相似，惟金馬獎執委表示唔會撤回獎項。

風波原來未完，《刻我》本為電影《刻在你心底的名字》主題曲，依家網友就轉為質疑劇本涉抄襲，監製兼編劇瞿友寧在社交網站發長文，稱已請律師處理，同時又貼出同原編劇鄭心媚對話，證明自己有得到合約授權，佢坦言劇本前身《在天堂的路上》有好多問題，所以佢最後一個字都冇用到：「根本不是原來心媚老師的創作，既然是新劇本，若我寫不好，還硬要掛上她原創，豈不也是傷害到她的創作人格？」同時佢又提到，如果鄭心媚仲有委屈，他一定會當面致歉。