肥仔公開姜濤炒車相！歪面反眼雙下巴現晒形

MIRROR嘅姜濤最近同ERROR嘅肥仔（梁業）以「師徒」見稱，最近佢哋推出合唱歌《特務肥姜2.0》，姜濤喺社交網公開花絮片，但竟大膽晒出師父嘅破音片仲取笑對方，令肥仔留言：「死仔包你想死呀！」

而早前曾表示如果排舞貼文有5萬Like就公開姜濤「炒車相」嘅肥仔，就還以顏色，晒出多張姜濤醜照，包括歪面、反眼、雙下巴相，不過似乎都唔夠姜濤之前公開Anson Lo嘅炒車相嚇人，網民都話姜濤無死角！雖然肥仔連環攻擊徒弟，但佢都不忘晒出一張姜濤最近海棠春睡照，畀「姜糖」細味！