驚喜浪接浪！羅子溢送傳統嘢狂氹楊茜堯

藝人羅子溢出晒名係圈中嘅「愛妻號」，自從做咗人夫兼人父後，更加努力工作搵錢，絕對唔需要太太楊茜堯擔心。尋日（30日）係楊茜堯嘅42歲生日，早前佢哋一家去咗主題樂園Staycation慶祝，認真開心，驚喜當然一浪接一浪，今日(31日)楊茜堯自爆老公為佢花盡心思，送咗個好有特色嘅蛋糕畀佢，原來係1個好有傳統特色嘅蛋糕，難怪楊茜堯開心到喺網上share，仲留言：「常在老公面前說想食傳統的蛋糕，喜歡它軟身幼滑的奶油香味，羅生送上了這有分量的大蛋糕，雖然外形有點old school ，但心意滿滿。」除咗呢個蛋糕，羅子溢仲送上一大束太陽花，令太太不知幾咁開心，所以話各位男士要學嘢喇！