林秀怡展開三人同居生活:同媽媽仲有男友住

20210831
東網電視
更多新聞短片
藝人林秀怡、鄧永健今日(31日)於將軍澳出席活動,現場播放2人飾演精明夫妻的短片,秀怡透露平日愛行街市格價買餸,但自認煮藝一般,笑言男友未試過食物中毒。她又自爆10月將與媽媽及男友開展3人同居生活,她說:「我一直講過要同媽媽住,又想同男友過同居生活,好開心男友接受3人同住,慶幸佢咁好,因為唔係個個肯同女友嘅媽媽同住。」
與男友拍拖4年首次同居,秀怡心情緊張又興奮,但也擔心同住夾不來,最緊張洗手間的清潔,她直言現在似邁向家庭主婦階段。問到下一步是否計劃結婚?她希望2年後結婚。工作方面,她透露拍攝《開心大綜藝之暑假玩到盡》時自己愈來愈核突,因為她自行化妝但又冇防水化妝品,第一、二集妝容落水即溶,第三集決定不化妝素顏上陣,她說:「曬黑咗出斑,又冇化妝,似足外傭姐姐,算啦!佢哋想我行醜路線,現場咁多女神級,我負責用力玩遊戲,等拍晒之後再做番facial同去斑。」