張馨月跟林峯返廈門見家長？吔地道美食好貼地

藝人林峯近年專注音樂事業，不忘抽空與老婆張馨月入戲院睇戲，非常恩愛。尋日（31號）張馨月喺社交網透露身在林峯家鄉廈門，上載多張大歎地道美食嘅相片以及風景相，雖然未見林峯蹤影，但返得夫君家鄉，估計林峯一定同行，而且有眼利網民留意到美食相有兩支叉，估計今趟旅程係跟林峯返家鄉探望家人。亦有網友估計上月兩公婆拍拖睇戲，已經身在內地，因為有飲品兼爆谷，而香港戲院受疫情限制仍然嚴禁場內飲食。