唔係同老公！苟芸慧「爆房」晒3吋事業線嗌好玩

前華姐冠軍苟芸慧2018年與錫礦大王後人陸漢洋結婚，一直表現恩愛，早前突然傳出婚變，更指苟芸慧已搬離愛巢。7月生日嘅佢未見老公蹤影，上月烹飪文憑課程畢業兼七夕情人節，老公依然冇影，難怪婚變傳聞愈炒愈勁！

苟芸慧一於懶理，今日（2號）上載於五星級酒店影嘅靚相，着上浴袍坐喺床邊，不經意露出3吋事業線，一向係有料之人嘅佢難掩豐滿上圍，之後又移到浴缸騷白滑長腿，仲玩篤波波，充滿少女心。苟芸慧留言：「浪漫的九月～謝謝美女們，原來泡泡咁好玩。」睇嚟今次都唔係同老公去Staycation，仲係冇影...