太想喺紅館開騷 Anson Lo衰心急講錯嘢!

20210902
東網電視
更多新聞短片
MIRROR成員Anson Lo(盧瀚霆)和Ian(陳卓賢)今日(2日)出席在中環舉行品牌活動,逾千「神徒」和「Hellosss」逼爆三層商場,不停唱歌支持偶像,Anson Lo亦向粉絲大派福利,又單眼和咬唇,令粉絲興奮尖叫。有粉絲凌晨3點已到商場霸位,Anson Lo表示有看到粉絲在社交網出Post,坦言戥他們辛苦:「好彩喺室內,希望佢哋食個早餐休息夠,始終喺度等9個鐘好長時間,戥佢哋辛苦。」Ian直言:「係愛呀! 多謝佢哋。」Anson Lo亦表示這是粉絲無私包容的愛。問到可會擔心粉絲逃學過來? Anson Lo表好多粉絲因要返工返學無法到來,亦有粉絲呻活動在平日舉行,他明白大家心同在,希望下次再來。
兩人同是愛狗之人,提到現場擺放了不少狗狗用的名牌用品,兩人表現興奮,表示使錢在狗身上多過自己, Ian說會幻想狗狗套上用品後會好得意。Anson Lo說:「唔係淨係買狗狗嘢食,仲要買尿片、氈同床仔,我媽咪會整啲無添加嘢食,又會買啲羊扒風乾咗佢食,佢哋矜貴過自己。」Ian表示狗狗用品全是消耗品,新買不久便被咬爛,他說:「養隻狗貴過養自己,因為我隻狗嘅品種骨關節唔好,要畀啲保健產品佢食。」
提到日前C AllStar經理人阿拔於社交網指摘MIRROR是全職廣告從業員,壟斷廣告市場,並非花時間在音樂及幕前演出。對此,Anson Lo表示:「其實我哋唔止做音樂,仲有拍劇、拍電影,我哋都有把握好多機會,亦都多謝前輩同埋各個單位邀請,其他嘢我哋都冇諗咁多。」並透露正準備新團歌。而Ian亦表示各成員並非單一發展,有時拍戲、做音樂和拍廣告,可能同一天進行,盡量於各方面得到平衡,會用心做好作品,付出100%努力。
對於花姐希望MIRROR多點進修,但被老闆魯庭暉窒無錢,Ian多謝公司幫他們出歌,投資在他們身上,會回饋公司。Anson Lo說:「其實魯生都有畀時間我哋去學嘢,佢只係窒吓花姐,等我哋知足,攞咗咁多嘢就唔好呻。」
提到12月將有部份成員在會展開騷,暫時公布名單有Anson Lo、Ian和Edan(呂爵安),由於5月開騷時曾出現炒飛,問到會否擔心粉絲要買貴飛?Anson Lo卻口快快說:「我哋上次喺紅館個show.....」自知講錯即「啊」了一聲,並笑着補鑊:「其實喺紅館開show都係我嘅夢想。」Ian表示早前與馮允謙開騷,同時進行網上直播,但未知是次有否網上門票。問到明年是否有機會衝上紅館?Anson Lo笑笑口說:「呢個係夢想,所以我都講錯咗,成日掛咗喺口唇邊。」
活動除了有Anson Lo及Ian外,大會亦邀請了Ian的女友盧慧敏,不過兩人就玩前後腳,刻意避開免成為傳媒焦點,還有模特兒倪晨曦、KOL吳家忻,倪晨曦穿上低胸露腰行山裝,流露骨感美。