阿媽先係主角！黃建東做「阿四」話要抽佣

藝人黃建東（東東）早前與媽媽一起拍攝自己編、導、演集於一身的跳舞廣告，沒料黃媽媽的表現卻引來保健產品商垂青，獲邀單拖拍攝硬照廣告，結果於拍攝當日，東東化身廿四孝兒子，全程擔任媽媽「阿四」：「客戶聯絡我時話淨係想搵佢拍唔使我，原來係啲成熟女士嘅保健品。今次係我第一次去到片場完全唔使化妝整頭埋位，只係做經理人同助手服侍阿媽，幫佢斟茶遞水。」他更指媽媽於拍攝時，需要不停地扭腰、舉啞鈴及玩呼拉圈等動作，單是呼拉圈已轉了差不多1個小時，曾擔心她會不習慣，沒想到媽媽自幼開始玩呼拉圈，故於現場愈轉愈起勁，還令拍攝提早完成：「可能因為我照顧得佢太周到，令佢拍攝非常放鬆，我都有講笑問佢攞經理人佣金，佢話要諗吓先。」