學湯告魯斯唔要命　莉碧嘉費格遜動作場面親身上陣

來自瑞典的《沙丘瀚戰》（Dune）女星莉碧嘉費格遜（Rebecca Ferguson），被湯告魯斯（Tom Cruise）挑選參演2015年電影《職業特工隊：叛逆帝國》（Mission: Impossible – Rogue Nation）後，於國際聲名大噪，該系列第6集與明年上映的第7集也邀請她擔正女主角。

莉碧嘉拍《叛逆帝國》前接受艱辛特訓，為期6星期，每天6小時，包括普拉提（Pilates）、武打與特技練習。莉碧嘉於片場受出名喜歡親身拍動作的靚佬湯影響，實行唔要命，大部份動作場面也棄用替身。

她受訪時透露：「我只係想試吓，睇吓可唔可以克服恐懼。我係有畏高症，但我有幕係自己演120呎飛墮場面，我到依家都仲讚緊自己。」不過片中危險的電單車飛車鏡頭，仍然是由替身處理。