蔡卓妍難得孖楊丞琳陳妍希同框　網民：玩《姐姐3》？

藝人蔡卓妍（阿Sa）同台灣女星楊丞琳、陳妍希都係好姊妹，但係平時工作忙碌，加上分隔兩地，好少機會3姊妹一齊見面，日前楊丞琳喺社交網晒咗佢哋相聚嘅合照，留言：「和親愛的姊妹們在上海外灘。」而陳妍希都有回應話：「最喜歡和你們相聚的時光。」難得3姊妹同框，加上佢哋係出晒名嘅凍齡女神，顏值同身材都Keep得相當好，令到一眾網民都大為羨慕！

由於楊丞琳同陳妍希之前都曾經參演人內地真人騷《乘風破浪的姐姐2》，呢次再加埋阿Sa喺度，有網民就問佢哋係咪打算組團去玩《姐姐3》呢？