羅艷卿自爆畀小巴撞：斷咗兩條肋骨

粵劇名伶羅艷卿由姪孫Thomas陪伴，晚上（5日）出席「仁濟愛心慈善粵劇粵曲晚會2021」。她受訪時透露年初遇上車禍：「畀架小巴撞，整傷咗隻腳，仲斷咗兩條肋骨，住咗醫院。（依家身體點？）還可以，頂得順。」

年屆90多的她被問到可會考慮復出？她多次謙稱：「老喇，唔會，都好少出嚟。（平時做啲咩多？）睇吓電視。（月尾生日諗住點慶祝？）唔會搞喇，時勢唔好，疫情嘛。如果叫朋友嚟，人哋又唔好意思推你，況且生日年年都有。」

而南紅則與友人到來捧場。問到可有興趣再搭踏台板？她說：「7月先做過一次慈善演出，本來9月都有，但我唔做喇。都係揀吓戲，睇適唔適合自己，自己鍾唔鍾意做咁，不過唔會做得多，最多一場咁。（丈夫楚原點？）佢好精神，不過鍾意留喺屋企瞓吓覺、睇吓電視同食吓嘢咁，佢都有去街，時不時囉。」