林明禎喊晒口告別香港　網友掛住睇馬甲線

馬來西亞女神林明禎早前嚟到香港，又拍電影又拍廣告，又要出席活動，工作忙到飛起。逗留香港咁耐，明禎BB終於要走喇！佢尋日喺社交網晒出機場相，喊晒口話：「捨不得這裏，但很快會再回來。」佢又感謝大家對佢嘅幫助：「這段時間，很謝謝照顧我的所有人，還有和無數超厲害的團隊們合作，好幸運。」

喊晒口告別，睇落好感人，但網友們錯晒重點！因為明禎BB着住露腰裝，網友掛住睇佢啲腹肌，大讚佢馬甲線好吸睛！