結婚2周年！王敏奕再晒與曾國祥愛情密碼

藝人王敏奕與曾志偉兒子曾國祥於2019年拉埋天窗，婚後相當恩愛，雖然最近兩公婆各有各忙，王敏奕忙於為無綫新劇《旁觀者》開工，曾國祥則為執導Netflix電視劇版《三體》（The Three-Body Problem）第一集做足準備，不過呢日佢哋結婚兩周年紀念日，王敏奕都不忘喺社交網晒合照慶祝，佢甫出當年日本婚禮時2人相擁睇煙花嘅浪漫合照，又留言寫上佢哋兩公婆嘅專屬密碼「DVMMXIX」，分別包括2人嘅英文名及結婚年份，非常甜蜜。