問過老公未︱胡杏兒廈門晒線　長裙遮肚唔通未收身？

視后胡杏兒近年北上發展，今年4月先返港產子後5月底又返上大陸搵錢，之後佢都長Stay內地工作，搞到要帶埋二仔Ryan同行，估唔到產後未夠半年嘅佢，就已經四出搵奶粉錢，依家身處廈門嘅佢仲晒出一批着上吊帶低胸連身長裙嘅靚相，晒出深長事業線，仲左揈右揈擺出Chok甫，加上佢條裙仔又的確好有夏天Feel，唔怪得佢留言：「#遇見秋色# 抓住夏天最後的尾巴，廈門的海邊真美? ​​​​」

不過網友更有興趣嘅係佢到底收身未，因為長裙遮肚，除咗事業線外，完全睇唔到佢身體其他曲線，仲笑佢係咪想借晒上圍而轉移視線添。