鍾嘉欣撇低仔女　孖鄭俊弘美國開騷

藝人鍾嘉欣（Linda）與剛度完蜜月、叉足電的鄭俊弘成為疫情後第一對於美國開演唱會的亞洲歌手，演唱會全場爆滿，氣氛熱鬧，Linda指很開心及榮幸，而現場觀眾的反應及熱情亦令她相當感動，由於大家已有2年沒有於現場看演唱會，故機會難能可貴。

今次她撇下老公及兩個寶貝仔女到美國登台，坦言很掛念他們，不過她笑言今次演出家人及仔女都很鼓勵她去做。問仔女有否看過她現場演出時，她謂：「阿女係有，因為每次喺溫哥華演出都會帶埋佢一齊，佢問我點解咁多人搵我影相？」不少觀眾都有問Linda何時再會出新歌及劇集，她表示等疫情過去就可以返港為大家演出，之前她亦拍了無綫劇集《星空下的仁醫》，主題曲都是由她來唱，故希望大家可以快些欣賞到她的新作。

而鄭俊弘帶同太太何雁詩齊齊出席，相當幸福，他表示返港隔離完畢後便要立即進入新一輯《法證先鋒》拍攝。