陳瀅床照曝光　剝剩三點式Top益街坊

「宅男女神」陳瀅向來係愛狗之人，對兩隻狗狗Diesel及Baymax照顧得無微不至，早前佢更同Diesel「母子合作」合演《愛美麗狂想曲》，力捧狗狗做明星狗！呢日佢就帶同兩隻狗狗，聯同友人到酒店「Dogcation」，佢喺社交網大晒多張打卡靚相，見佢以浴袍Look上陣影「床照」，同狗狗「一家三口」齊齊趴喺床上擺同一甫士，場面搞笑。另一張相，佢就換上三點式泳衣自拍，微露波邊及大晒纖腰，相當性感。與此同時，佢又孖住即將成為人母嘅好友大影閨蜜大肚寫真，非常樂在其中。