200萬點擊惹質疑！鍾柔美《狂野之城》KO郭富城

無綫節目《聲夢傳奇》賽前大熱之一嘅鍾柔美（Yumi）雖然最後輸咗畀勁敵炎明熹（Gigi）、姚焯菲（Chantel），只以5強「畢業」，但係憑住靚聲靚樣，人氣依然高企，一啲都唔輸畀Gigi同Chantel！佢喺節目上跳唱天王郭富城嘅《狂野之城》片段上架至今2個月已錄得超過200萬觀看次數，當時評判之一嘅李克勤都激讚！而唔少網民留言就表示睇咗無數次，仲話：「過咗2百萬，照煲，因為真係好聽好睇。」

另一邊廂，身為原唱嘅城城，5年前個官方MV至今只有85萬點擊，就算喺MV半裸上陣騷肌肉都輸咗畀一個14歲妹妹仔，惹人質疑有人買Like，不過都有唔少人力撐，「View數必定到2M，點解？根本就係一個演唱會級數嘅演出！」、「有 Super Star 風範」、「「翻唱多View過原唱唔罕見」！