粉紅西裝Sharp醒登場!張敬軒戴眼鏡撞樣林家謙

20210910
東網電視
更多新聞短片
MIRROR人氣王「教主」Anson Lo(盧瀚霆)出名鍾意粉紅色,經常着招牌粉紅西裝示人,仲出埋「粉紅教主」特飲,不過粉紅色並唔係佢嘅專利,呢日歌手張敬軒出席商演,就罕有以Sharp醒粉紅色西裝上陣,獲歌迷大讚魅力爆燈Charm到爆。除疑向「教主」致敬外,戴上眼鏡嘅張敬軒,更被指撞樣同樣充滿音樂才華嘅歌手林家謙,咁啱該活動林家謙都有同場,網民即笑指「傻傻分不清」、「以為林家謙換衫再出場」等,其實以往張敬軒都曾直認2人似樣,仲講笑話可以組成「林加軒」組合。
而當日活動上,張敬軒聲沙沙、腳步浮浮,更一度幾乎失聲,不過專業嘅佢繼續獻唱《重頭開始》及《Sweet Escape》等歌曲,絲毫冇影響演出。事後,佢喺社交網發文報平安指已無大礙:「今朝起身好番好多了,唔使擔心,聲帶仲有少少發炎,過埋今日就會好。」